মই কোন কিয় লাগে ???

— ঋষিৰাজ গৌতম 

মই কোন কিয় লাগে ???

মইতো মোৰ বাবেও এটি সাঁথৰ ৷

মোৰ সুখবোৰেইচোন মোৰ দুখৰ বাহক;

মোৰ অশ্ৰু যে মোৰেই হাঁহিবোৰৰ ৰূপান্তৰ ৷ 

এক শব্দহীন জ্বালামুখীয়ে 

দহিছে মোৰ হৃদয়—অস্তিত্ব,

অথচ তোমাৰ বাবে অন্তৰত

ইমান স্নিগ্ধ অব্যক্ত অনুভৱ ৷ 

তুমি মোক জানিব বিছাৰা!!

নেলাগে দিয়া...

মোৰ পৰা দূৰৈত মোৰ স্নিগ্ধতাই

হয়তো তোমাৰ হিয়াও জুৰাব ৷

কাষলৈ আহিলে পুৰি মৰিবা ৷

মোক এনেকৈয়ে থাকিব দিয়া —

এটি নামহীন অবুজন যন্ত্ৰণা হৈ৷